Уул усны диваажин Увс аймаг байгуулагдсаны 100 жилийн ой энэ жил тохиож байна.
Түүхэн ойг энэ оны 07 дугаар сарын 28-30-ны өдрүүдэд тэмдэглэн өнгөрүүллээ.
Наадмын нээлт Увс нутгийн үүх түүх, өв соёл уламжлал, дуу хуурын гайхамшгийг багтаасан нь наадамчин олны талархлыг хүлээв.Тус аймгийн ойн баярын арга хэмжээнд аймгийн ИТХ-ын дарга З.Эрхбаяр, аймгийн ЗДТГ-ын дарга Х.Баасанхүү нар оролцож баяр хүргэн дурсгалын зүйл гардууллаа.
Увс аймгийн баяр наадамд Ховд аймгийн бөхчүүд, уяачид, харваачдын төлөөлөл оролцож бяр хүч, шандас, цэц мэргэнээ сорив.
Увс аймгийн түүхт 100 жилийн ойн баяр наадмын жороо морьдын уралдаанд Ховд аймгийн Булган сумын хаьяат аймгийн Алдарт уяач Ц.Сүхтэйн "Харцага хээр" жороо морь түрүү,Соёолон насны морьдын уралдаанд Ховд аймгийн Улсын тэргүүний Зэрэг сумын харьяат, аймгийн алдарт уяач Д.Чулуунбаатарын Хүрэн соёолон айргийн гурваар,Их насны морьдын уралдаанд Ховд аймгийн Зэрэг сумын харьяат, аймгийн ИТХ-ын төлөөлөгч, Монгол Улсын алдарт уяач Бөхчулууны Баатарбилэгийн "Дураараа хээр" айргийн гурваар,Сонгомол дээд насны ангилалд Ховд аймгийн Чандмань сумын харьяат Аймгийн алдарт уяач Баатархүүгийн Пүрэвжаргалын Хээр Айргийн таваар хурдалж уяач эзэн, унасан хүүхдээ баярлуулсан бол,
Үндэсний сурын харваанд 40 сумнаас 37 онож Ховд аймгийн Дуут сумын харьяат, Ховд аймгийн Уулсын мэргэчүүл харваачдын холбоо, Алтайн шонхор баг, Ховд аймгийн ЦТС ХХК-ийн харваач, аймгийн мэргэн, Спортын мастер Мөнгөнболдын Галбадрах тавдугаар байр,
Улс аймгийн алдар цолтой хүчит 256 бөхийн барилдаанд Ховд аймгийн Зэрэг сумын харьяат улсын заан Б.Бат-Өлзий үзүүрлэж наадамчин олноо баясгалаа.
