Аймгийн ИТХ-ын ажлын албанаас Ховд аймгийн 17 сумын ИТХ-ын нарийн бичгийн дарга нартай уулзаж, мэдээлэл хийлээ.

Уулзалт мэдээллийн хүрээнд “Засаг захиргаа, нутаг дэвсгэрийн нэгж, түүний удирдлагын тухай” хууль шинэчлэгдэн батлагдаж 2022 оны 1-р сарын 1-ны өдрөөс хэрэгжиж эхэлсэнтэй холбогдуулан шинэ хуулийг дагаж мөрдөх, сурталчлах, сумдын веб сайтад хийж хэрэгжүүлж байгаа ажлын мэдээллүүд, тогтоол, шийдвэрийг байршуулж тогтмол мэдээлж байх шаардлагатайг онцоллоо. Мөн сумдын ИТХ-ын хуралдааны дэг, хороодын бүтэц бүрэлдэхүүн, ажиллах журам, зөвлөлийн бүтэц бүрэлдэхүүний журмуудыг шинэчлэн батлуулах чиглэлээр заавар зөвлөмж өгөв. Үүнээс гадна гүйцэтгэлийн төлөвлөгөөг боловсруулах, гол зорилтуудаа тусгах арга зэргийг танилцуулсан юм.